നൂറ്റാണ്ടുകള്‍ക്കുമുന്‍പ് ചിറ്റിലപ്പള്ളി ആസ്ഥാനമായി നാടുവാണിരുന്ന തലപ്പിള്ളി രാജവംശത്തിന്റെ ഭരണത്തിന്‍ കീഴിലായിരുന്നു തോളൂര്‍ പഞ്ചായത്തുപ്രദേശം.

പിന്നീട് മണക്കുളം, കക്കാട്, പുന്നത്തൂര്‍, ചിറളയം എന്നീ നാലു താവഴികളിലായി പിരിഞ്ഞതില്‍ പുന്നത്തൂരിന്റെ അധീനതയിലായിരുന്നു ഈ പ്രദേശം.

ബ്രാഹ്മണരുടെയും നാടുവാഴികളുടെയും ജന്മികളുടെയും ഭരണകാലത്തിന്റെ അവശിഷ്ടങ്ങളായ ക്ഷേത്രങ്ങളും, കുളങ്ങളും, വള്ളക്കടവും ഇന്നും ഈ പ്രദേശത്തിന്റെ ചരിത്രസാക്ഷികളായി നിലകൊള്ളുന്നു.

ടിപ്പുവിന്റെ പടയോട്ടക്കാലത്ത് പുന്നത്തൂര്‍ കോട്ട തകര്‍ന്നെങ്കിലും ശേഖവന്‍കാവ് ക്ഷേത്രം ഇന്നും നിലനില്‍ക്കുന്നു.